ابرفع قضية على الدنيا ومافيها
واول قضية برفعها على حالي
وبشعل النار في نفسي واطفيها
واكشف خفايا الروح وافضح هبالي
خلاص ماني مكحلتها ابعميها
احوسها واقلب الاول على التالي

خذني جريح شعور يعشق وصالك
ينزف جروح العشق وايامه شهود
خذني غريق احلام عانق خيالك
يرجي سحاب ايديك والشوق موقود
خذني بقايا انسان كلي حلالك
اسكن عروق القلب والشوق موجود

بسألك ليه الهوى منك وفيك
ليه المشاعر ما تعيش إلا بساعة شوفتك
ليه المحبة والوفا وأبيات شعري تهتويك
ليه أنت وبس اللي أموت ببسمتك
تدري لو مرة أقول إني كرهتك ما أبيك
يرجع علي صوت الصدا يقول
الله ما أكبر كذبتك

بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر انسان عزيته من أعماقي

يا سائلة عني من القلب لبيه
صوت عزيز وغصب عنا نلبيييك
تشبهين القمر لا شك نغليك
ونفتح لك أبواب الخفوق ونحييك
أشري رضى من يشتريني وأراضيه
وأقول له بالروح والعين نشريك..

ما يصير أنساك لالا ما يصير
وفي خفوقي لك معزة وأحترام
قبلك الدنيا مثل حلم صغير
وعقبك الدنيا غرام في غرام
أنت مثل النور في عين الضرير
لا لمحتك ما بقى حولي ظلام
فيك عمري ..فيك روحي والمصير
فيك كل أيام عمري والسلام

أنادي من سكن بأقصى فؤداي
على من هو نفس روحي وزادي
على من هو حرم عيني رقادي
أنا أهــواه
يزور العين طيفه ثم أضمه
وأحس أن الهوى عطره وأشمه

حب يغيب وصاحبه ما بعد غاب
وحب يدوم وصاحبه في غيابه
وحب يذوب خافقً ما بعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلاأسباب
يبدأ غريب وينتهي في غرابه

في خاطري لك شي ودي أقوله
مدري تصدقني أو تقول كذاب
قلبي يحسك دايم الدوم حوله
مع كل دقه يذكرك ياأغلى الأحباب
تدري عليك الروح با الحيل توله
وتدري بعد طيفك عن العين ما غاب

ناج الحبيب اللي توده وتغليه
ما دمت حي ودام عينك تشوفه
لو صد يشفع له معك حلو ما ضيه
وحقه عليك أنك تقدر ظروفه
بأخــتــصــار
شخص عطاني وده ما ني بناسيه
ومن شرى ودي أنا دايم الدوم شاريه..!

لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني

حاولت في قلبي أقول بنساك
وأعيش دنيا في حياتي جديدة
أثر الغلا ما تعجبة غير دنياك
والقلب غيرك ما سكن في وريده
أشتقت لعيونك وصوتك ونجواك
حبك شربتة كيف ما أقدر أظماك
حبك عرفتة كيف ما حتاج اعيده

إن عاش راسي و اسعفتني سنيني
لروي ظمأ قلبي بقربك و اهنيه ..
و لو يزرعون الغام بينك و بيني
نذر علي لامشي لك الدرب و أطويه ..
و اشيل روحي فوق راحة يميني
و ابيع عمري لاجل شوفتك و اشريه ..

اتحرى العيد اكثر من طفل
واتعذر فيه لأجل اسأل عليك
واسرق النظرات منك بالخجل
فيه اباركلك وابارك عمري فيك

أنا اللي من شوف الاحباب محروم
و الله يكافي شر زلات الاقدام ..
قبل امس مع ربعي سواليف و علوم
و اليوم طاويني هواجيس و هيام ..
اضحك ضحى قبل امس و ابكي ضحى اليوم
ياسرع دورات الليالي و الايــــام ..

تخيل يوم عانقني خيالك خاطري وش قال ؟؟
تخيل قبل اسولف سألني عنك وجداني ..
سألني لين خلاني .. مدينه هزها زلزال !!
تخيل ماهدا حتى لقاك .. بوسط شراييني

طالت الغيبات يا غالي علينا
وان تحريتك فهذا من غلاك
لو يطول البعد والله ماسلينا
المشاعر همها لحظة لقاك
يا كريم النفس مثلك مالقينا
لك معزة زادها عندي وفاك
ليت قربك يا هنا العمر بيدينا
واتبعك كني ظلال من وراك

للفرح يوم هليت في قلبي هبوب
ما اظلم زماني يوم عن الكون غايب
لك بسمة تتملك الكون بالطيب
ولك نظرة سوت بروحي العجايب
يا جعل عمرك سعد وايامك تطيب
وجعلني فدا حبك ماعنه تايب

محد يشق القلب من غير تفكير
حتى الدكاترة ترتجف ثم تحتار
الحب يشق الجوف من دون تخدير
ويبني قصور بداخل القلب وانهار
هذي حقيقة قلتها بصدق وتعبير
وأرسلتها للي حافظن كل الأسرار

اشتاقلك شوق الصحاري للمطر
شوق الليالي للقمر
شوق الثلج يلقى الدفى
شوق المنهنه للغفى
اشتاقلك واهواك وصل وقطاعه
اشتاقتلك في كل لحظه وساعه

مابيك بالقوة
ولابيك بالطيب
(ابيك من كيفك تحس بحنيني وتجيني)
مابيك تقبل باخر العمر وتغيب
ابيك دايم بين رمشي وعيني
خذني وغربني عن الناس تغريب"
مابي أشوف انسان غيرك بعيني انت وحدك قربك يكفيني "

يا رفيق القلب ما اصدق نسيت
خابرك مهما تعذبني حنـــــــون
لا ذكرت ايامك الحلوه بكــــــــيت
ما تهون ايام ودك ما تهــــــــــون
راحتي وياك لامنك صــــــــــفيت
في ثواني كلها بوح وشجــــــون
لا قريت انت الرساله وانتهيـــــت
ودي أعرف في حياتك من حتى نسيت

إن كان نور عيني ما يساوي غلاك ..
أشهد إني بخيل في ما عطيت .. وش تبي ؟؟
آمر تدلل يا بعد هذا وذاك .. تبي قلبي وش بغيت ..
تبي روحي لأجل ترضي وتضحك شفاك ..
إذا يرضيك خذها بس قول إني وفيت ..

اشوف الموت من نظرة عيونك
مثل ما شفت انا فيها حياتي
انا بالله كيف احيا بدونك
اذا كان البعد يعني مماتي
حبيبي والغرام العذب كونك
حبيبي والعطش كله كياني
متى تمطر على قلبي مزونك
وتتحقق بلقياك امنياتي

ودي ابعد عن تفاصيل الزمان ،
واسكن جروحك ولو فيها نكد ..
دامني بأحضانك الدنيا أمان ،
قلبك المرسى وعيونك لي بلد ..
قلبي الي ماعرف طعم الحنان ،
يسالك باسم رحمان احد ..
لو تباعدنا حبيبي بالمكان ،
نبقى روحين يجمعهم جسد ..

تغيب الشمس والناس تنام
يغيب القمر ويزيد الظلام
لكن تغيب أنت والله حرام

لو بتمطر الدنيا نسيان
صدقنى ما انساك
وكل قطرة من مطرها
تجبرني على ذكراك

بدمع عينى شريتك
وداخل قلبى لقيتك
وبعمرى كله فديتك
والله ولا لحظة نسيتك

اعرفك على نفسي
اسمي عاشق
وعنواني قلبك
و تاريخ ميلادي يوم سمعت صوتك